Antoko TGV : "Mbola i Andry Rajoelina no filohan'i Madagasikara"
Nanomboka tamin'ny 11 ora atoandro teo ny fidinana an-dalambe tanterahin'ny mpanaradia an'Andriamatoa Andry Rajoelina.
Nanapa-kevitra haneho hevitra eny amin'ny Kianjan'ny 13 may Analakely ny antoko politika TGC sy ireo mpanohana azy. Ny mpanolotsaina an'i Andry Rajoelina, Rinah Rakotomanga, sy ny Minisitry ny Fanabeazam-pirenena teo aloha, Marie Michelle Sahondrarimalala, no nitarika ny hetsika.
Fitakiana ny rariny
Saika ny fangatahana ny fiverenan'ny filaminana sy ny fanajana ny safidim-bahoaka no tazana tamin'ireo sora-baventy nentin'ireo mpanao fihetsiketsehana. Tafiditra ao anatin'ny fitakiana ihany koa ny fangatahana ny fiverenan'ny fampianarana eny anivon'ireo sekolim-panjakana.
Tao anatin'ny fandraisam-pitenenany, nanambara i Ramatoa Marie Michelle Sahondrarimalala fa "mbola i Andry Rajoelina no filohan'ny Repoblikan'i Madagasikara, ary filoha mpisolo toerana vonjimaika ihany no eo amin'ny fitondrana ankehitriny, araka ny fanapahan'ny HCC". Mangataka araka izany ireo mpanara-dia an'i Andry Rajoelina mba hanajana ny safidin'izy ireo, satria izy ireo no nandany azy tamin'ny fifidianana ara-dalàna. Takian'izy ireo ny "famerenana ny ara-dalàna", ho mariky ny fandàvana marindrano ny fanonganam-panjakana.
Tamin'ity androany ity, tsy nasongadina ny loko volomboasary. Samy nanao izay lokon'akanjo nosafidiany avy, na ireo mpitarika, na ireo mpandray anjara rehetra tamin'ny hetsika.
