Asam-panjakana : Miisa roa hetsy ny mpiasam-panjakana ara-adalana efa voaisa

Fitantanana ara-drariny

Tanjon’ity asa hataon’ny Ministera ity ny hananana fitantanana ara-drariny eny anivon’ny Ministera sy ireo andrim-panjakana isan-tsokajiny. Amin’ireo 200 000 voaisa ireo dia efa maro ireo samy nahazo ny toerany teo aloha saingy tao ihany koa ireo nafindra toerana. Tanjona amin’izany mba hahafahan’izy ireo mamoaka ny fahaizany sy ny traikefa tena hanany. Hahafahana mahazo vokatra tsara eny anivon’ny asam-panjakana ihany koa izany. « Marihina fa volam-bahoaka no handoavana ny karaman’ny mpiasam-panjakana ka manana adidy hanatsara ny fitantanana ireo mpiasam-panjakana ireo. Mba ho tena fanoitry ny fampandrosona ny firenena malagasy ny mpiasam-panjakana », hoy ny Sekretera Jeneraly momba ny asam-panjakana, Ramaroson Heridja. Dingana lehibe tsy maintsy lalovana araka izany ity asa hatao ity.

Mbola maro ny filàna mpiasam-panjakana

Ankotra ireo mpiasam-panjaana miisa 200 000 ara-dalàna ireo dia ao ihany koa ireo asa hafa mila teknisianina na manam-pahaizana manokana mbola banga. Nanazava ny avy ao amin’ny MTEFOP fa mbola maro ny filàna araka ny asam-panjakana. Araka izany, efa misy ny lamina napetraka hahafahana mampitombo ny traikefan’ireo mpiasam-panjakana ireo. Hojerena araka ny fahaiza-manaony ihany koa izy ireo dia hapetraka araka izay eny amin’ny Ministera sy ireo andrim-panjakana. « Efa nomanina ny « reconversion professionnelle » ho an’ireo mpiasam-panjakana na fampiofanana arak’asa azy ireo izay mifanaraka amin’ny traikefany sy ny mari-pahaizany. Izy ireo ihany araka izany atreto aloha no hameno ny banga », hoy hatrany ny fanazavana. Aorian’izany dia hapetraka amin’ny toerana tokony hisy azy araka ny fahaizany sy ny diplaomany manaraka ny fandaminana sy ny votoatin’ny asa iray izy ireo. Tsara ny mampatsiahy fa natao hanompo ny vahoaka ny mpiasam-panjakana ary hamaly ny hetahetan’ny rehetra araka ny filàny avy. Izany no azo handraisana ho zavadehibe io fampiofanana arak’asa io.