Vaovao
Manadio kibo : Torohevitra mahasalama aorian'ny fety
Vita izay ny fety telo sosona teto Madagasikara : krismasy, faran'ny taona 2022, taombaovao 2023. Azo antoka tokoa fa samy nankafy ireo hanim-pitoloha isan-karazany na ny kely na ny lehibe. Mba isorohana ny fiantraikan'izany amin'ny fahasalamana, ireto misy torohevitra vitsivitsy
- Misotroa rano 1,5 hatramin'ny 2 litatra isan'andro. Tsara raha ajanona ireo zava-pisotro misy akora simika sy misy alikaola. Aza adino ny misotro ranom-boankazo ;
- Ahenao ny fihinanana matsiro sy matavy. Ataovy rony somary matsatsotsatso ny laoka. Legioma no atao betsaka ;
- Raha mbola te hihinana hena, safidio ny manatono izany ;
- Raha nihinana sakafo misy hazan-dranomamy na hazan-dranomasina, misotroa ranom-boankazo azo avy amin'ny voasary makirana. Tsara raha tsy asiana siramamy ;
- Manaova fanatanjahan-tena. Mifohaza maraina mihazakazaka kely sady mifoka rivotra madio.
Raha tsapanao fa misy tsy metimety ny fahasalamanao, manantona avy hatrany toeram-pitsaboana. Fadio ny manao dokotera tena ka mihinana ireo fanafody mahazatra na nety tamin'ny hafa.
