Voka-pifidianana vonjimaika - 02 jona 2024

Samy efa mahafantapantatra ireo kandida mety hiakatra sy hijanona eny Tsimbazaza ny ankamaroan'ny olom-pirenena. Tsara nefa ny manamarika fa mbola misy herinandro eo ho eo vao tena ho vita tanteraka ny fanisana sy ny fanamarinana rehetra.

Antananarivo Atsimondrano (BV 88/624 # 14,10%)

Mbola tsy ny ampahaefany akory ny vato voaisan'ny CENI tao Antananarivo Atsimondrano. Hatreto aloha dia mbola mitarika amin'ny salan'isa 35,45% ny avy amin'ny Firaisankina, Voahangy Ramananarivo. Kely ny elanelam-bato manasaraka azy amin'i Andry Ratsivahinisolo, izay nahazo ny 34,34%-n'ny vato mananakery. Alain Jean Ratsimbazafy, tsy miankina, no laharana fahatelo, 12,01%.

Antananarivo Avaradrano (BV 359/490 # 73,27%)

Madiva hifarana ny fanamarinana ireo PV voaray avy any Antananarivo Avaradrano. Hatreto dia i Benjamina Andriamosa (Firaisankina) no mitarika, amin'ny salan'isa 42,62%. Manaraka azy ny avy amin'ny IRMAR, Rijaniaina Thierry Radafibdranaro, 29,61%. 23,44% kosa no salan'isa azon'i Hajo Andrianainarivelo (Kolekitifa).

Ambohidratrimo (BV 218/572 # 38,11%)

Mitazona ny laharana voalohany hatreto i Maminiaina Solondraibe Rabenirina, avy amin'ny vondrona politika Firaisankina. 3547% no salan'isa azony. Manaraka azy akaiky, amin'ny salan'isa 31,03% ny kandida natolotry ny IRMAR, Fenohery Johnny Rakotoarisoa.

Anjozorobe (BV 194/239 # 81,17%)

Efa saika voaisa avokoa ireo vato tao Anjozorobe. Ny avy amin'ny Firaisankina, Edison Rzafintsihoarana, no be mpifidy indrindra. Nahazo ny salan'isa 31,15% ny tenany. Mitazona ny laharana faharoa ny kandida tsy miankina Jean Germain Odon Mbelo Ndriamparany, nahazo ny 22,30%-n'ny vato manankery.

Ankazobe (BV 41/191 # 21,47%)

Mitarika i Harijao Percy, avy amin'ny FIVOI. Manana salan'isa 62,26% mantsy io kandida io. Lavitra ihany ny elanelam-bato satria 21,97% ny salan'isa azon'ny laharana faharoa, Eddie Ramasiherison, avy amin'ny IRMAR.

Manjakandriana (BV 135/342 # 39,47%)

Ny kandida natolotry ny vondrona Firaisankina, Henri William Randriamanga, no be mpifidy indrindra hatreto. 35,09% tamin'ny vato manankery no azony. Manaraka azy ny kandida tsy miankina, ny dokotera Fidy Bariniaina, amin'ny salan'isa 30,92%.

Arivonimamo (BV 64/393 # 16,28%)

Lasan'ny FIVOI, amin'ny alalan'i Rajerison Antoine Randriamampianina, ny amboara hatreto. Ambony dia ambony, izany hoe 78;96% ny salan'isa azony. Manaraka azy kosa, 13,80%, ny avy amin'ny IRMAR, Andriniaina Rakotondravoavy.

Miarinarivo (BV 24/273 # 8,79%)

Miady ny lalao ao Miarinarivo. Fetra Rakotondrasoa (IRMAR) nahazo 31,92%, i Bernard Ravelonjato (Indépendant) nahazo 29,02%, i Lalaina Raharinarivoarimanana (Indépendant) nahazo 20,51% ary i Valimanana Ratovoherinavalona (Firaisankina) manana ny salan'isa 18,56%.

Tsiroanomandidy (BV 34/419 # 8,11%)

Mbola tsy ampy 10% akory ny vokatra voamarina avy tamin'ireo biraom-pifidianana tany Tsiroanomandidy. Hatreto aloha dia ny kandida tsy miankina Harson Raholijaona no mety hanao poa-droa. 51,92% mantsy ny salan'isa azony. Manaraka azy, somary lavidavitra, ny kandidan'ny Firaisankina, Jose Solonirina Ndimbiarisoa, 19,99%.

Soavinandriana (BV 169/227 # 74,45%)

Ny kandida tsy miankina Romeo Christophe Ramanatanana no mitarika amin'ny salan'isa 40,29%. Laharana faharoa, 37,12%, ny kandida natolotry ny IRMAR, Harizaka Fiainantsoa Razaiharimalala. 22,59% kosa hatreto no azon'ny kandidan'ny Firaisakina, Dina Toky Ny Aina Iaritiana.

Manandriana (BV 15/124 # 12,10%)

Anjakan'ny kandida tsy miankina Jaona Andrianantenaina hatreto ny lalao. Manana salan'isa 50,07% ny tenany. Manaraka azy ny avy amin'ny IRMAR, Julie Florence Rasoamananjara, nahazo ny 29,19%-n'ny vato manankery.

Ikongo (BV 24/218 # 11,01%)

Kandida roa ihany no nirotsaka ho fidiana tao Ikongo. Tsy iza izany fa i Mariette Ravoniarisoa, IMRAR, 69,27%, sy i Jean Brunelle Razafitsiandraofa, Firaisankina, 30,73%.

Ikalamavony (BV 26/98 # 26,53%)

Mitarika amin'ny salan'isa 62,83% hatreto ny kandida tsy miankina Pety Rakotoniaina. Manaraka azy kosa ny kandida Raharimampionona, IRMAR, nahazo 37,17%. Izy roalahy ireo ihany moa no mpifaninana tao Ikalamavony, faritra Matsiatra Ambony.

Isandra (BV 41/136 # 30,15%)

Mitarika ny kandidan'ny IRMAR, Rado Ralambozafy, nahazo ny salan'isa 56,60%. Manaraka azy ny kandida tsy miankina Hajanarivo Lucien Ratovoson, 39,58%.

Iakora (BV 23/68 # 33,82%)

Ny kandida tsy miankina Sambo no nahazo ny isam-bato ambony indrindra, ka nahazo ny salan'isa 55,99%. Ny laharana faharoa dia mbola kandida tsy miankina ihany, izay tsy iza fa Jimmy Joe Rakotonirina, nahazo ny salan'isa 29,23%.

Ihosy (BV 94/308 # 30,52%)

Mitarika amin'ny salan'isa 40,34% ny kandidan'ny IRMAR, Bismark Mong Mann. Manaraka azy kosa i Louis Joseph Rakotoarimavo, izay natolotry ny vovonana politika Firaisankina. Nahazo ny 26,89%-n'ireo vato manankery ny tenany.

Mananjary (BV 44/306 # 14,38%)

Anjakan'ny Firaisankina hatreto ny ao Mananjary, faritra Vatovavy. Manana salan'isa 47,35% i Charlot Mamihaja. Manaraka zy ny avy amin'ny IRMAR, ny dokotera Maurice Lucien Randrianarison, 32,57%.

Analalava (BV 29/193 # 15,03%)

Anjakan'ny IRMAR ny ao Analalava, faritra Sofia. Nahazo salan'isa ambony dia ambony, 87,46% ny Minisitra teo aloha, Soafilira Princia. Laharana faharoa ny kandida avy amin'ny Vondrona Firaisankina, Ime Djaosera, nahazo ny salan'isa 9,50%.

Sainte-Marie (BV 24/34 # 70,59%)

Herilaza Imbiki, avy amin'ny IRMAR, no mitana ny laharana voalohany, amin'ny salan'isa 67,85%. Laharana faharoa kosa ny kandida tsy miankina, hany tokana mifaninana aminy, Luc Ravonty, nahazo ny salan'isa 32,15%.