Fampianarana ambony : Nakatona ny Ecole Supérieure Polytechnique Vontovorona
Nakaton'ny filohan'ny Oniversiten'Antananarivo, Pr Mamy Ravelomanana, ny Sekoly Ambony Polytechnique Vontovorona.
Nandefa taratasy fampilazana ireo tompon'andraikitra isan-tsokajiny ao amin'ny Sekoly Ambony Polytechnique Vontovorona ny filohan'ny Oniversiten'Antananarivo. Nambaran'ity farany fa mikatona manomboka anio 09 martsa 2023 aloha ny sekoly. Izany no natao dia mba itandrovana ny filaminam-bahoaka eny an-toerana.
Nambara tamin'ny filazana an-tsoratra ihany koa fa mila miala ny trano fonenany ireo mpianatra. Izay tsy afaka manao izany dia tsy maintsy manaja ny filaminana sy ny fandaminana eny an-toerana.
Nampahatsiahivin'ny filohan'ny Oniversité fa tsy maintsy mangataka alalana ireo mpianatra vao mahazo miroso amin'ny fitakiana faobe. Tsiahivina ihany koa fa ao amin'ny faritry ny sekoly ihany no tokony anatanterahana izany.