Sakafo voalanjalanja : fantaro ny mikasika ny proteinina avy amin’ny zavamaniry

Inona no antony tsara hisafidianana ny proteinina avy amin’ny zavamaniry ?

Tena ilaina amin’ny vatana ny proteinina noho izy ireo manampy amin’ny fanorenana ny hozatra, ny sela, ny « enzymes » ary ny hormonina. Ny proteinina azo avy amin’ny zavamaniry dia manana lafy tsarany maro :
-Manankarena fibra, manatsara ny fandevonan-kanina sy mampaharitra ela kokoa ny fahatsapana voky :
-Tsy dia be « graisses saturées » raha oharina amin’ny proteinina sasany avy amin’ny biby ;
-Mitondra vitamina, mineraly sy « antioxydants » maro ilain’ny vatana.
Ny fisafidianana proteinina avy amin’ny zavamaniry dia tsy midika hoe tsy hihinana hena na trondro intsony, fa kosa mikendry sakafo voalanjalanja kokoa.

Inona avy ireo karazana sakafo ahitana proteinina avy amin’ny zavamaniry ?

Ireto manaraka ireto ny santionany amin’ireo sakafo fototra mitondra proteinina avy amin’ny zavamaniry :
-Ny voamaina, toy ny voanemba, tsaramaso mena, « pois chiches »… Mahavoky ary azo ampiasaina hanaovana karazana nahandro samihafa izy ireo (laoka, salady, lasopy…) ;
-Ny voanjo sy ny « graines », toy ny voan’ny « tournesol », « amande », « noix », voam-boatavo… Tsara atao tsakitsaky na atao amin’ny sakafo ;
-Ny vokatra avy amin’ny « soja », toy ny vovoka « soja », « pousse de soja », « tofu »… Azo ampiasaina hikarakarana sakafo maro.

Mety amin’ny olona rehetra ve ny proteinina avy amin’ny zavamaniry ?

Mety amin’ny olona rehetra ny proteinina avy amin’ny zavamaniry raha toa ka voalanjalanka sy misy karazany ny sakafo. Miainkina amin’ny taona, ny hamafin’ny asa atao ary ny toe-pahasalamana kosa nefa ny filàna. Ny mpanao fanatanjahantena, ohatra, dia afaka mahazo proteinina ampy amin’ny loharano avy amin’ny zavamaniry, raha ampy tsara ny fatra hoanina.
Ny olona manana toe-pahasalamana manokana, toy ny fitondrana vohoka, zaza mitombo, aretina mitaiza sasany…, dia tsara ny manantona mpitsabo na manam-pahaizana momba ny sakafo (nutritionniste).