Sakafo voalanjalanja : torohevitra hampiharana io fahazarana io eto amintsika

Fototry ny sakafo voalanjalanja

Ny sakafo voalanjalanja dia mifototra amin’ny fahasamihafan’ny sakafo sy ny fifamenoany. Ny sakafo (repas) tsirairay dia tokony ahitana :
-« Glucide » ho an’ny hery,
-Proteinina ho an’ny fitomboana sy fanarenana ny vatana,
-Tavy amin’ny fatra antonony ho an’ny fiasan’ny vatana,
-Vitamina sy mineraly hanamafisana ny hery fiarovana,
-Fibra hanamorana ny fandevonan-kanina.
Ny vokatra eny an-tsena dia afaka mamaly ireo filàna rehetra ireo.

Ireo sakafo fototra hita eny an-tsena eny

Loharanon’ny « glucides »

Eto Madagasikara, dia ireto manaraka ireto ny sakafo tena mitondra ny « glucides » :
-Ny vary,
-Ny mangahazo, ovy, katsaka,
-Ny akondro
Manome hery ilaina amin’ny asa andavanandro ireo sakafo ireo. Tsara ny manovaova ny loharanon’ny « glucides » fa tsy vary foana isan’andro.

Loharanon’ny proteinina

-Ny proteinina dia tena ilaina amin’ny vatana. Maro ireo sakafo eny an-tsena ahitana azy ireo, toy ny :
-Trondro vaovao na maina,
-Hena (hen’omby, henan-kisoa, akoho)
-Atody
-Tsaramaso sy voamaina (tsaramaso maina, voanjobory, lentille)
Ny fampifangaroana proteinina avy amin’ny biby sy avy amin’ny zavamaniry dia manatsara ny kalitaon’ny sakafo, na dia kely aza ny fatra.

Legioma sy voankazo araka ny vanim-potoana

Manana legioma maro karazana ny tsena malagasy :
-Anana, laisoa, karaoty, voatabia, voatavo maitso
-Voatavo, baranjely, kaokaombira
Ary voankazo manankarena vitamina :
-Manga, papay, mananasy, voasary, letisia, zavoka
Ny fihinanana legioma sy voankazo araka ny vanim-potoana dia miantoka ny fahatsaran’ny kalitao, ny vidiny mora ary ny otrikaina betsaka.

Tavy mahasoa

Tokony hoanina amin’ny fatra antonony ny tavy. Ireto ny sakafo ahitana azy ireny eto amintsika :
-Voanjo sy mena-boanjo
-Voanio sy ronono voanio
-Zavoka
Ireo tavy ireo dia manampy amin’ny fahavokisana sy ny fandraisan’ny vatana vitamina.